Noticias - Klasika - Albisteak

Programatuta zegoen legez, Punta Galea Tx. E. zikloturismo batzordeak Javier Otxoa Klasika aurkeztu du.

Ekitaldia Algortako Caja Navarrako bulegoetan burutu zen, eta bertan egon ziren, Josu Loroño jauna, Getxoko Udaleko Komunikazio eta Herritar Segurtasuneko zinegotzia, Iñaki Castaños, CAN-Algortako zuzendaria, eta, Punta Galeari dagokionez, Iñigo Mentxaka –zuzendaria-, Roberto Brunet –Kanpo Harremanak- eta Francisco Ezkerra –zikloturismo arduraduna- jaunak, eta hainbat komunikabide eta zaletu.

Javier Otxoa Klasikaren aurkezpeneko argazkiak

Irteera Fadurako frontoietan emango da, era mailakatuan, 8:00 eta 9:00-ak artean, non probako izen-emateak ere egingo diren (30 –larunbata- arratsaldez, eta maiatzak 1-igandea- goizez, 7:30-etatik aurrera). Helmuga Kirol Instalazioetako belodromoan egongo da.

Parte-hartzaileek hiru hornimendu edukiko dituzte ibilbidean zehar, lehenengoa Mundakako irteeran, bigarrena (likidoa) Sollube mendatean eta hirugarrena helmugan, Fadurako belodromoan, non dutxa zerbitzudun hainbat aldagela egongo diren.

Zikloturista guztiek antolakuntzaren partetik opari bat jasoko dute, eta izena eman duten guztien artean hainbat kirol produktu zozketatuko dira, probaren laguntzaileek utziak.

Sentitzen dugu gure omendutakoaren, Javier Otxoa, presentzia eza, egun hauetan apur bat ondoezik dago-eta. Ahalik eta lasterren osatzea opa diogu.